Gjergj Bojaxhi ishte i pari në listën e kandidatëve të Sfida për Shqipërinë, parti të cilën e themeloi sëbashku me një grup qytetarësh një vit më parë. Ndryshe nga 2 vjet më parë, kur Bojaxhi mori mbështetjen e mbi 16,000 votuesve në Tiranë, kësaj rradhe Sfida mblodhi vetëm 3550 vota. Një rezultat zhgënjyes i cili e ka çuar Gjergj Bojaxhi të lëshojë rolin e udhëheqësit politik të Sfidës. Më herët Bojaxhi ka publikuar këtë deklaratë:
Përshëndetje! Përmes këtij qëndrimi dua së pari të uroj fituesin e zgjedhjeve politike të 25 Qershorit në Shqipëri.
Së dyti, si drejtues politik i Sfidës dua të deklaroj me bindje pergjegjësinë time për rezultatin e padëshiruar në zgjedhje. Për rrjedhojë shpall doreheqjen time nga ky funksion i partisë. Çmoj se marrja e përgjegjësive me fjalë, por pa vepra nuk do të ishte në frymën për të cilën u krijua SFIDA.
Së treti, kam bindjen që vetem një shtet i drejtë është i fortë dhe jo e kundërta. Ndaj qëllimi si shoqëri nuk duhet të jetë të bëjmë një shtet të fortë me të dobëtin, por të barabartë përpara ligjit mes të dobëtit dhe të fortit, mes të varfërit dhe të pasurit, mes politikanëve dhe qytetarëve.
Se katërti i falenderoj thellësisht nga zemra të gjithë ata qytetarë që na besuan dhe mbeshtetën. Misioni ynë vijon dhe mbetet të mundim politikën e pazareve dhe militantizmit.
Une do jem cdo dite me Sfiden ne cdo nisme te saj dhe ky nuk eshte nje mesazh dobesie por force e demokracise se brendshme qe kemi ndertuar.
Sfida sapo ka filluar! BASHKE MUNDET.
Blend , bohu gati me more Partine.
